Hnamdang leh hnamdang kawppui nei Candidate lo ngam turin Political party-te ngen

Mizo Zirlai Pawl (MZP) chuan Mizorama Political party hrang hrangte chu 2023 MLA inthlanpui lo awm turah candidate atan hnamdang emaw, hnamdang nupui pasal-a neite dah lo ngam turin a ngen a, ngenna chu party tinte ziakin an pe.

    MZP chuan hnamdang lakah kan ram leh kan hman a himna turte leh kan hnam kal zel tur chungchang an ngaihtuah tih tarlangin, chumi kawngah chuan phak ang tawkin hma an la reng tih an tarlang a. Kum 2023 tawp lama Mizoram Legislative Assembly Election chungchang pawh MZP chuan a ngaihtuah thleng tih party tinte hnena ngenna an pekah tarlangin, hemi chungchangah hian Political party tinte hnenah hnamdang Candidate-a dah lo tur leh hnamdang nupui/pasala neite party candidate atan chhawpchhuak lo turin ngen nise an tih thu te, chung an ngaihtuahnate chu ngaih pawimawhsak a, kum 2023 MLA Election lo awm turah party candidate atan hnamdang emaw, hnamdang nupui pasala neite emaw dah lo hram turin an ngen tih an tarlang a ni.

MZP President Lalnunmawia Pautu chuan ngenna an siam chu party lamten an chhan kher a phut loh thu leh an ngenna zawm ngei se tih chu MZP duh dan a ni tih a sawi a. Zawhna chhangin, party-te hnena ngenna an siam chu Mizo hnam leh ram himna atana a pawimawh hle tih sawiin, Minister-ah hnamdang an awm apiangin a bikin Technical lamah buaina a awm thin tih a sawi bawk.