Hlawh pekchhuah phut

Zonuna Kawlni (LENKAWL) • February 10, 2023 • Comments • Mizoram

Mizoram Pradesh Youth Congress Committee (MPYCC) chuan National Health Mission (NHM) hnuaia thawk ten December 2022 leh January 2023 hlawh an la la la lo nia sawiin, a rang thei ang bera an hlawhte pechhuak turin Mizoram sawrkar an phut. Nimin-a thuchhuah an siamah MPYCC chuan December 2022 leh January 2023 thlabi hlawh atana Central Sawrkar in a tum ve tur (90:10) chu December 24, 2022 daih tawh khan Mizoram Sawrkar-ah an rawn release tawh tih nia sawiin, engti kawng maha chhuanlam siam lo tur leh tikhawtlai lova NHM thawktute hlawh hi pechhuak nghal turin Mizoram Sawrkar hi an phut thu an sawi a. National Health Mission (NHM) Mizoram hnuaiah hian 4th Grade atanga Doctor Specialist thlengin mi 2200 chuang an thawk mek niin an sawi bawk.