Latest News

Health Minister leh ADB hotute an inkawm

Health Minister Dr. R.Lalthangliana chuan nimin khan Asian Development Bank (ADB) hotute Mizoram-a rawn zin mek te chu a Pisa-ah a kawm.

    Mizoram sawrkarin Asian Development Bank (ADB) atanga loan cheng vbc. 1008 a puk tur chungchangah Nishant Jain, Health Specialist & Team Mission Leader leh Dai-Ling Chen, Health Specialist & Team Mission Co-Leader-te chu Aizawl-ah rawn zinin nimin khan Health Minister ho hian inkhawmna an nei a, he hunah hian nikum June thlaa ADB loan pukna tur Ministry of Finance in a lo pawmpui tawh bawhzui dan tur leh chak zawka hma lak dan tur an sawiho a. Minister hian ADB chu kalphung felfai tak nei leh uluk taka thil an kalpui dan te a hriatpui rualin Mizoram in sum leh pai-a harsatna kan tawh avanga loan agreement tihfelsak thuai turin a lo hrilh a. He loan tihfel vat a nih theih nan thla khata vawi khat emaw lo zin a, Health Department Official te nena sawihona neih tha a tih thu a lo chah a. ADB hotute hian Minister ngenna chu an ngaihpawimawh thu an sawi a ni.

Comments

Popular News (Last 30 Days)