Football-ah FC Serchhip Kawnpui te Champion
Serchhip Sports Complex-a khelh Serchhip District Football Championship 2023 kharna hun hi MNF Publicity Board Vice Chairman J. Malsawmzuala Vanchhawng chuan khuallian nia hmanpuiin thalaite hmakhua ngai pawimawhtu sawrkar kan hrawn mek thu leh eptu te thik khawpin sawrkar in Sports a ngaih pawimawh thu a sawi a. Serchhip-a Sport hmunpui, Serchhip Sports Complex tih changtlunna tur hmabak tam tak ala awm thu pawh sawiin, hmasawnna awm turin mipuiten karfung tha an mamawh thu leh Serchhip bial tana karfung khawng tha tak ni turin ke a pen mek thu a sawi a. Politics chu mahni mihringpuite tana rawngbawlna platform leh hmanraw tha ber anih thu sawiin, Serchhip Bial mipuite tana rawngbawl tura inpe anih thu a sawi a. Infiamna chu hriselna atana pawimawh anih avangin thalaite chu uar deuh deuh tura chahin, SDFA tanpuina atan Rs. 10,000/- a hlan bawk.
He Championship kharna Inkhawm neih zawh hnu hian FC Serchhip Kawnpui leh Hmar Veng FC ten Final khelin FC Serchhip Kawnpui ten 3-2 a hma an hruai laiin buaina a chhuak a, Official kut lo thlak te an awm bawk avangin inkhel tihtawp zui a ni a, FC Serchhip Kawnpui chu Champion in April 18, 2023 atanga Khawzawl-a khelh tur MFA Cup 2023-ah Serchhip District ai an awh dawn a ni. He Championship-a Champion hian Rs. 20,000/- leh pahnihna in Rs. 10,000/- an dawng a ni.
He Championship-ah hian SDFA hnuaia 1st Division Club leh Zone tin Champion te an tel a ni.
Comments
Post a Comment