Nikum 2022 chhung khan Serchhip District chhungah Kangmei chhuak hmun 457-ah a awm nia chhinchhiah a ni a, kangmei chhuak-ah hian ram Hectare 1182.4 vel a kang nia chhinchhiah niin heng te hi Lo hal leh mimal ram kang te nia chhinchhiah a ni.
Serchhip District chhungah hian Divisional Forest Officer (DFO) Office pahnih, Thenzawl leh North Vanlaiphai te awmin kum kalta chhunga kangmei chhuak 457 zinga 378 hi Thenzawl Division hnuaiah nii a dangn 79 hi N. Vanlaiphai Division hnuaiah a ni thung a. Heng te hi Forest Survey of India in kum hnih dan zela zirchianna report a siam atanga lakchhuah niin Thenzawl Forest Division huamchhunga kangmei chhuak 378 in a huam zau zawng chu Ha 451.10 a ni a, N. Vanlaiphai Forest Division huamchhunga kangmei chhuak 79 in a huam zau zawng chu Ha 731.3 a ni thung a, Thenzawl Forest Division huamchhung ah hian kangmei hmun hrang hrang ah chhuak tam zawk angin lang mahse heng kangmei report-te ai hian N. Vanlaiphai Division huamchhunga kangmei chhuak hi Ha 280.2 zet in a zau zawk a. Thenzawl leh N. Vanlaiphai Division huamchhunga kangmei chhuak zawng zawng zau zawng hi Ha 1182.4 a ni.
Forest Survey of India hian kangmei chhuak hi Satellite hmangin a en reng a, kan Vawkchaw chhum thlengin an rawn hmu thei a, Serchhip District a kangmei chhuak report te pawh hi Ramngaw kang ni lovin mimal lo leh huan ram hal te a ni hlawm a, Lo hal a tam ber a ni.
Hetihlai hian Serchhip District chu District hrang hrang zingah Geographical Area atanga chhutin ramngaw in a khuh nei tlem ber dawttu a ni thung a, hei mai bakah hian he tehna atang hian kum 2013 atang khan Serchhip District chhunga ramngaw zau zawng chuan hniam lam pan zelin tunah hian ramngaw in a khuh hi 80.47% nia chhut a ni a. Serchhip District Geographical Area hi Sq.km 1421 anga chhut niin Sq.km 16.88 chu Very Dense Forest-a chhiar niin Sq.km 354.76 chu Moderately Dense Forest (MDF) leh sq.km 1143.44 chu Open Forest-a chhiar a ni bawk.
Comments
Post a Comment