Latest News

District Hospital Champhai-a hnathawh te enfiah

Law & Judicial Minister TJ. Lalnuntluanga chuan nimin khan District Hospital Champhai tlawhin RT-PCR bun hna thawh mek, Trauma Centre sak mek leh Nursing School Champhai kalpui thuai anih theih nana tulte a enfiah.

District Hospital Champhai Eye Ward building-a RT-PCR khawl bun nana hmunhma cheibawl thawh mek hi cheng nuai 18 bawr senna tur niin za zela 90 dawn zawhfel tawh a ni. Bungrua te a thleng kim deuh vek tawh a, hmunhma peihfel veleh bun hna thawh nghal tum a ni. Trauma Centre hi Hospital Casualty nena sak zawm niin Ministry of H&FW sum cheng nuai 81 senga sak a ni a, tunah hian hna thawh tur za zela 90 dawn thawh zawh ni tawhin Trauma Centre-a dah tur ICU khum 10, Ventilator Unit 2, Bipap Unit 2, Monitor Para 5, 2-function ICU cots unit 10, Syringe pump unit 2 leh Infusion pump unit 2 te pawh Give Foundation & Mission ICU atangin District Hospital Champhai a thleng fel tawh a ni.

Law & Judicial Minister hian Nursing School Building pawh tlawhin kumin chhung ngeia Class kalpui anih theih nana hmalak tulte a enfiah a, tunah hian Post creation tihfel tawh niin, bungraw mamawh lei tul cheng nuai 100 man dawn thehlut fel a ni tawh bawk. Minister hian PM-CARES Fund atanga siam minute khata Oxygen litre 500 pechhuak thei PSA Oxygen Plant leh Suction Machine, Eye Ward Building Ground Floor-a bunte pawh tlawhin, Khawl te zawk leh enkawl awlsam deuh tur zawk PSA Oxygen Plant 200 lpm bun tura ruahmanna neih anih thu a sawi bawk.

Comments

Popular News (Last 30 Days)