Thla khat chhung COVID-19 kai hmuh belh awm lo
Nikum December 12 hnu lamah Serchhip District-ah COVID-19 hri kai hmuh belh an awm tawh rih lo a, thla khat chhung zet COVID-19 hri kai hmuhchhuah an awm tawh lo a ni.
Serchhip CMO Office atanga thu kan dawn danin nikum December 12 khan Serchhip District-a Thenzawl khua ah COVID-19 hri kai hmuhchhuah awmin hemi hnu nimin thleng khan Serchhip District-ah hian hri kai hmuhchhuah hi an awm belh tawh lova, hri kai hmuhchhuah hi Dec. 16, 2022 khan enkawl dam niin hemi hnu hian Serchhip District-ah COVID-19 hri kai enkawllai awm tawh lovin Sample enfiah pawh an awm zui tawh rih lo a ni.
COVID-19 hri a len hnuah Serchhip District-ah hian Sample 84,280 enfiah ni tawhin heng atang hian COVID-19 hri kai mi 14,616 hmuh ni tawhin an zinga 14,580 te chu enkawl dam an ni a, hri kai zingah mi 36 an boral thung a ni. Serchhip District-ah hian RT-PCR hmangin Sample 2903 enfiah niin hri kai mi 135 hmuh an ni a, TrueNat Laboratory-ah Sample 9202 enfiah niin hri kai mi 826 hmuh an ni bawk a, Rapid Antigen Test hmanga Sample enfiah 69,784-ah hri kai mi 13,095 hmuh niin FIA hmanga Sample enfiah 2391 atangin hri kai mi 560 hmuh an ni bawk.
Comments
Post a Comment