Sikkim IPR Officer leh Journalist ten tlawh

Mizoram-a Media Workshop neia Aizawl-a chám mek Sikkim IPR Officer-te leh Journalist-te chuan nimin khan Aizawl Press Club tlawhin MJA Member te nen inkawmna an nei a. MJA hruaitute'n MJA chanchin tlangpui leh Mizoram-a Media hrang hrangte dinhmun leh Mizoram chanchin tlangpui sawiin, Sikkim Journalist-te'n an chanchin tlangpui an sawi ve bawk. Sikkim journalist-te hian nimin vek khan I&PR Directorate tlawhin Director C. Lalnunkima leh a thawhpui ten an lo dawngsawng bawk a ni. Sikkim sawrkar bultumin Sikkim-a Information & Public Relations Officer pangate leh journalist 15-te chuan Indian Institute of Mass Communication (IIMC), Mizoram-ah Media Workshop nei mekin Vawiin hian an zofel dawn a ni.