Kangmei ven dan tur rel

State Level Sub-Committee on Fire Prevention chu nimin khan an Chairman leh EF&CC Minister TJ. Lalnuntluanga hovin Aizawl-a SAD Conference Hall-ah thukhawmin kumin 2023 chhunga Ramkang ven dan tur an ngaihtuah a. Mizoram-a ramkang tam ber hi Lo, Leipui leh Huan hal atangin a nih thu sawiin, hei vang hian kumdang a lo tih tawh thin angin kumin hian Feb. 6, 2023 atanga Feb. 10, 2023 chhungin Fire Prevention Week hman leh nise an ti a. Lo hal theih hun chhung ni hnuhnung ber pawh March 15, 2023 nise an ti bawk. Hei bakah hian kangmei chhuah hlauhawm lai, Thal chhungin Ramkang chungchang Awareness Campaign District hrang hrangah nasa lehzuala neih nise tiin, State Level Award, District inelna leh District chhunga khua te kangmei ven that kawnga inelna pawh siam chhunzawm nise an ti bawk.