Bangladesh atang raltlan 418 an awm mek

Bangladesh Refugee Relief Committee (BRRC) chuan tun dinhmunah Mizoram-ah Bangladesh atanga inhumhimna zawnga rawn tlanlut mi 418 an awm mek tawh niin an sawi.

    BRRC chuan tunah hian Bangladesh Chittagong Hill Tracts atanga raltlan lo lutte hi Lawngtlai District-a Parva-III, Chamdur ‘P’, Mautlang, Vathuampui leh Hmawngbu khuate bakah Serchhip District-a Thenzawl khua-ah te an awm mek niin an sawi a, Central YMA huaihawta Mizoram mipuite’n Bangladesh atanga raltlante thlavang hauh punkhawm an buatsaih chu lawmawm an tih takzet thu sawiin, “Ram hian ri a nei a, hnam chuan ‘ri’ a nei ve lo’ tih tidiktu a ni,” an ti.