Assam Rifles hotu thar in Chief Minister a kawm

/

Nimin khan 24 Sector Assam Rifles Commander thar Brigadier Girish Upadhyay SM, VSM chuan Chief Minister Zoramthanga chu a chenna In-ah a kawm a, Chief Minister chuan Assam Rifles te chu an hmun thar Zokhawsang-a a hma thei ang bera insawn tur a duh thu leh hemi atana hma la tura a duh thu a lo hrilh a ni.

    Brig. Girish Upadhyay chuan Mizoram-a lo awm thar a nih angin Mizo mipuite nen inlaichinna tha tak neihpui a duh thu a sawi a. Chief Minister pawhin thawhhona tha tak an neih ho zel a beisei thu a hrilh bawk.

Brig. Girish Upadhyay chuan Assam Rifles chu Home Ministry thu angin insawn tur tho tho a nih thu te, a rang thei ang ber a insawn fel theih nan leh tuna an hmun chhuahsan tura Laldenga Centre leh project dang te a hma thei ang bera hmalak a nih theih nan amah pawhin theihtawp a lo chhuah tur thu a sawi a. Chief Minister in a tih theih chinah theihtawp a chhuah angin amah pawhin an hotute bulah theihtawpa a lo nawr tur thu a hrilh a ni. Brig. Girish Upadhyay hian Brig. Digvijay Singh a thlak a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »