Aizawl District-a khaw fai thlang

Kumin September 15 leh October 2 chhunga ‘Swachhata Hi Seva’ hman denchhena Aizawl District-a khaw fai thlanna result chu nimin khan puan a ni a, Maubuang khua chu pakhatna niin Sailam khua chu pahnihna leh Sailutar khua chu pathumna an ni a. Sawleng leh Muthi ten Consolation prize an dawng a, lawmman atan hian chawimawina thuziak leh sumfai hlan an ni. Nimin-a Khaw fai result puanna leh lawmman semna hunah hian Aizawl DC Dr. Lalhriatzuali chuan hman khat daih plastic (single use plastic) khap a nih tawh thu leh sawrkar laipui lam atanga kengkawhtu National Green Tribunal an khauh sawt thu sawiin, uluk taka min vil zui reng avangin a zawm tha lo State te chu an hrem thin thu a sawi bawk.