VC Body thar buaipui zel

Chhiahtlang South Village Council-a VC Executive Body thar siam tura hmalakna chu kalpui chhunzawm zel niin tunkar Thawhtanni a VC Body thar siam tura thutkhawm (VC Sittting) neih ah VC Body thar siam tum te an kim loh avangin VC Executive Body thar hi siam theih a ni ta rih lo a. Hemi chungchangah hian Serchhip DLAO mawhphurhna la mektu F. Lalnisai chuan LENKAWL zawhna chhangin tun thla ni 11 hmaa VC Sitting chungchang report Chhiah-tlang South VCP hnen atanga dawn anih hnuah a rang thei ang bera hemi chungchang hi tihfel anih tur thu a sawi.

Thudawn danin VC Executive Body thar siam tur hian VC dinglai te hian Sitting neiin Executive Body tur hi an inthlang tur a ni a, Chhiahtlang South VC ah hian Member 5 awmin Member 3 te hian Executive Body hi din turin hmalakna an la kalpui mek zel a, tun thla ni 11 hma hian VC hian Sitting nei tura beisei niin inthlanna hi an nei anga, chu chu Serchhip DLAO hnenah hian thehlutin hei hi sawrkar in a lo pawmpui ve leh dawn a ni.

Comments

Popular News (Last 30 Days)

Vawiin-ah HSSLC Exam result