Vawiin-ah Zoram Harh Rawh-Campaign nei dawn

Central YMA leh Mizoram State AIDS Control Society (MSACS) thwhdunna a ‘Zoram Harh Rawh-Campaign’ neih mekah Vawiin hian Serchhip-ah Mizo Hnam Lam leh Zai-a intihsiakna neih a ni dawn.

‘Zoram Harh Rawh-Campaign’ tih thupui hmanga HIV/AIDS dona atana Mizo Hnam Lam leh Zai intihsiakna hi Sub-Hqrs. YMA hrang hrangah neih mek niin Serchhip Sub-Hqrs. YMA chuan Vawiin hian Serchhip Auditorium-ah an buatsaih dawn a, a tira tel tura in hriattir zingah tel thei lo tur an awm leh tak nual avangin Branch 9 ten intih-siakna an nei dawn a, an zingah hian Group YMA huamchhunga awm Branch pathum an tel a ni.

Ruahman ang chuan Vawiin chhun dar 12:00 atanga tlai dar 4:00 thleng hian Mizo Hnam Lam (Cheraw leh Khuallam) hmanga intihsiakna hi neih tur niin zan dar 6:30 atangin Pi Pu Zai hmanga intihsiakna neih leh a ni anga, HIV/AIDS Awareness Campaign neih nghal tur niin intihsiakna result puan nghal tur a ni ang. He intihsiakna a pakhatna hian Rs. 50,000/- dawngin pahnihna in Rs. 30,000/- leh pathumna in Rs. 15,000/- an dawng anga, a tel zawng zawngte Rs. 7000/- theuh pek an ni dawn bawk a, hei akah hian a titha thlanchhuah te hian December 1, 2022 khian Aizawl-ah intihsiakna an hmachhawn leh dawn bawk a ni.

Comments

Popular posts from this blog