Kumin ah Dengue vei 1224 hmuh an ni tawh

/

Mizoram-ah Dengue vanga thi mi 5 chhinchhiah an awm tawh a, hetihlai hian kumin chhunga Dengue vei hmuhchhuah tawh zawng zawng zat chu mi 1,224 an tling tawh.

Health Department-a Joint Director (Malaria) Dr. Hmingthanmawii sawi danin, kumin chhungin November ni 23 thlenga Sample endik 3,831 atangin Dengue vei hmuhchhuah chu mi 1,224 an tling tawh a, Dengue thihpui mi 5 te chu Aizawl West leh Aizawl East huamchhung a mi vek an ni. Kumin chhungin Mizoram District tinah Dengue vei hmuhchhuah an awm tawh a, Aizawl West huamchhungah mi 319 leh Aizawl East huam chhungah Dengue vei mi 802 hmuhchhuah an awm tawh a, District dangah erawh hmuhchhuah tlem deuhin, Lunglei District-ah 35, Champhai District-ah mi 23, Serchhip District-ah mi 17, Mamit District-ah mi 13, Kolasib District-ah mi 10, Lawngtlai District-ah 2 leh Siaha District-ah 1 niin State pawn mi 2 an tel bawk a ni.

Mizoram-ah Dengue vei hi kum 2016-ah mi 580 hmuhchhuah an lo ni tawh a, kum 2017-ah 136, kum 2018-ah 68, kum 2019-ah 131, kum 2020-ah 67 leh nikum 2021 khan 83 hmuhchhuah an lo ni tawh a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »