Tuikum bial-ah Health Clinic Centre 2 hawng

Tuikum bialtu MLA leh Assembly Deputy Speaker Er. Lalrinawma chuan nimin khan a bial chhunga Chhingchhip Mualpui leh Phulmawi khua ah Health Clinic Centre thar a hawng.
Heng Health Clinic Centre thar hawnna hunah hian Deputy Speaker chuan a bial chhung khaw pahnih a Health Clinic Centre an hawng leh thei ta chu lawmawm a tih thu sawiin, an ruahmanna te hlawhtlin tirtu Pathian chungah lawmthu a sawi a, khawtlang mipuite inpekna vanga Centre tharte chu lo puitling ta a nih thu a sawi bawk. Hriselna hi mihring nunah thil pawimawh tak anih avangin mipuiten hriselna hlutzia kan hriat thar zel a pawimawh thu leh nunkawng hrisel zawk kan neih theih nana kan inzir chhoh zel a tul thu pawh Deputy Speaker chuan a sawi a, “Ram leh hnam changkang apiangin hriselna an ngai pawimawh thin a, hriselna leh hmasawnna hi thil kal dun zel a nih avangin kan ramin hma a sawn deuh deuh theih nan mipui hriselna hian kawngro a su nasa hle a ni,” a ti. Tunhnaiah Sawrkarin hmun tam tak ah Clinic Centre a hawn thu pawh sawiin, Tuikum bial mipuite pawhin an tangkaipui em em a, sawrkar chungah lawmthu a sawi bawk.


Mualpui Health Clinic hawnna inkhawm hi VCP C. Lalnuntluanga chuan kaihruaiin Phulmawi Health Clinic hawnna inkhawm hi VCP Rohnuna chuan a kaihruai bawk a, heng hunah hian Health Department aiawh te pawhin thu an sawi bawk a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man