Health Mela nei chho mek

Serchhip District chhunga PHC leh Health & Welness Centre (Sub-Centre tih thin) hrang hranga Health Mela neih tura ruahmanna kal mekah nimin khan hmun 7-ah Health Mela hi neih a ni.
National Health Mission (NHM) hmalakna a Serchhip District chhunga Health Centre hrang hranga Health Mela neih tura ruahman ah hian nimin khan a ni thumna atan Health Mela hi neih leh niin hemi hmalam hian Hriangtlang leh North Vanlaiphai-ah neih a lo ni tawh a, he hunah hian a mamawh apiang te tan a thlawna inentirna neih niin Zunthlum an neih leh neih loh bakah BP sang an neih leh neih loh te enfiah sak an ni a, an mamawh ang damdawi te pawh a thlawna sem a ni bawk.

Nimin-a Health Mela-ah hian Serchhip Sub-Centre ah Dr. Samuela’n damlo mi 30 enin New Serchhip SC-ah Dr. Helen Lalthanzuali’n damlo 40, Chhiahtlang SC-ah Dr. Cindy Lalrindiki’n damlo 102, Bungtlang SC-ah Dr. Lalnunngila’n damlo 28, Keitum SC-ah Dr. Lalrinmawii’n damlo 53, East Lungdar PHC-ah Dr. Rohlupuii leh Hualtu SC-ah Dr. Lalmuanpuii’n 70 vel an en a ni.

Ruahman lawk ang chuan Health Mela hi Vawiin-ah chhunzawm leh tur a ni dawn a, khaw 8-ah a mamawh apiangte tana inentirna hi neih leh a ni dawn a ni.