Sumdawng te GST zirtir

Nimin khan Champhai-ah khan Champhai leh Khawzawl District chhunga sumdawngte tana GST chungchang inzirtirna neih a ni a, he hunah hian GST pek dik loh vanga hremna awm thei pumpelh tura sumdawng ten GST an pek dan tur te zirtir niin hun kal tawha chhiah an lo pek dik tawh loh haichhuahna tur Scrutiny leh Audit kalpui chhoh mek a nih thute tarlan a ni bawk. He huna tarlan a nih danin Taxation Department, Champhai Zone chuan kum 2021-2022 chhung khan Mizoram sum bawma lut tur chhiah cheng nuai 917.95 an hmu a, kum 2022-2023 kum kal mek September, 2022 thlenga an Chhiah hmuh tawh zat chu cheng nuai 468.24 a tling tawh bawk a ni.