MLA in hnathawktute tlawh

Lengteng bialtu MLA L. Thangmawia chuan nimin khan NHIDCL hnuaia Champhai Road lai mektu DBL Company hotute chu an Camp-ah tlawhin Kawlkulh Field No 2 laih hna tan leh thuai tur te, Pu Aichhinga Road (Puilo to Tuichang) in National Highway a pawhna siam tha leh thuai turte leh CSR atanga Puilo Health Clinic Centre sakna tur cheng nuai 6 an pek tur tifel thuai turin a ngen a. DBL Project Manager Simanta Sharma chuan an hnathawk Diwali chawlh hmang mekte rawn thlen veleh an lo bawhzui nghal tur thu leh CSR Fund pawh ni 15 chhunga an pek fel tur thu a lo hrilh a ni.