Kolasib-ah National Press Day hman a ni

Nimin Nov. 16, 2022 kha ‘National Press Day’ niin he ni pual hian Kolasib Press Club-ah District Bawrhsap John LT. Sanga hovin hun hman a ni.

National Press Day puala hun hman ah hian Kolasib DC chuan thuthar lakkhawm hna chu eizawnna piah lamah ram tan a thawktu pawimawh tak an nih thu sawiin, rinawm tak leh langtlang tak a hna thawk zel turin leh thu belhchiandawl leh rintlak chuah chhuah a pawimawh thu a sawi a. Mahni chauh pawh a thu dik tan ngam tura huaisenna neih leh ram leh mipuiin an tangkaipui tur thuthar lakkhawm thiam a tul thu a sawi bawk. Thuthar lakhawmtute kaltlanga thuchhuah chuan mipui rilru sukthlek dan nasa takin a nghawng thin thu Deputy Commissioner chuan sawiin, Mizo tawng dik hman kawngah pawh midangte entawntlak ni turin MJA member-te chu a chah bawk.

Kolasib District MJA Vice President R. Lalhmingthanga kaihhruai he hunah hian Kolasib DIPRO Hmingthanzuala chuan Registrar of Newspaper for India hnuaia inziahluh pawimawhna te, I&PR kaltlanga Sawrkar Office hrang hrang Advertisement semchhuah dan kalphung te tarlangin, rualkhai taka chanchinbu hrang hrang hnenah sem thin a nih dan a sawi bawk. Kolasib District-ah hian nitin chanchinbu chhuak 10 leh kar tawp chhuah pakhat a awm mek a, MJA member 15 an awm bawk a ni.

Comments

Popular posts from this blog

Tukverh-a tlasual boral