KMMTTP hlawkna tel tur ber Mizoram - C&I Minister

Commerce and Industry Minister Dr. R. Lalthangliana chuan Mizoram chu Kaladan Multi-Modal Transit Transport Project (KMMTTP) hlawkna tel tur ber State a nih thu a sawi.

Mizoram University School of Social Science Seminar Hall-a ‘National Seminar on the Kaladan Multi-Modal Transit Transport Project (KMMTTP) : Prospects and Problems’ nimin-a neih a hmanpuina ah C&I Minister chuan he thu hi sawiin, KMMTTP chu India hmarchhak State te tana hmasawnna Project pawimawh tak a nih thu leh a bik takin Mizoram chu a hlawkna tel tur ber State a nih thu a sawi a. KMMTTP chu zawh thuai a beisei thu sawiin, “Mipuite inbuatsaih a ngai hle a, State dang atanga lo kal bungrua, ei leh bar-a innghat mai lovin a thawnchhuaktu kan nih a hun tawh hle a, chutiang tur chuan kan rilru leh ngaihtuahna kan siam fel a ngai a ni,” a ti a. KMMTTP chu ram intodelhna kawnga nasa taka puitu tur a nih avangin sawrkar pawhin theihtawp a chhuah mek zel thu leh kum 2008 khan Mizoram leh Central sawrkarin inremna thuthlung an lo ziah tawh a nih thu te a sawi bawk.

Dr. R. Lalthangliana chuan KMMTTP mai bakah Bangladesh nena insumdawn tawnna pawh hmalak mek zel a nih thu sawiin, Border Haat-te pawh siam mek zel a ni tih a sawi a. Mizoram in kan thil thar leh siamchhuahte kan thawnchhuah zung zung theihna turin KMMTTP-a Contractor te chu chak zawka an hna kalpui tur leh theihtawp chhuahpui turin a chah nghal bawk a ni.

Comments

Popular posts from this blog