CS in Lawngtlai a tlawh mek
Mizoram Chief Secretary Dr. Renu Sharma chuan nimin khan Lawngtlai tlawhin Mizoram Sawrkar hnuaia Head of Office te nen DC’s Conference Hall-ah inkawmna an nei.
Chief Secretary chuan kum 2012-a GAD Secretary a nih lai leh kum 2016-a Home Department Principal Secretary a nih laiin Lawngtlai chu a tlawh tawh tih sawiin, tun tum hi Lawngtlai a tlawh tum thumna a nih thu a sawi a. Lawngtlai District-in kawng hrang hranga hmasawnna duhawm tak tak a neihte chu lawmawm a tih thu sawiin, Officer kalkhawmte chu an hna theuh ah theihtawp chhuah zel turin a fuih a. Department hrang hrangin District hmasawn nana an hna thawh chungchangah harsatna an neih chuan DC hnena thlen thin tura chahin, DC kaltlangin a tul ang zela hma lakpui tura a inhawn thu a sawi bawk.He hunah hian Lawngtlai Bawrhsap Amol Srivastava IAS chuan Lawngtlai District dinhmun tlangpui leh District chhunga sawrkar hmalakna langsar zualte tarlangin, District chhunga sawrkar hmalakna hrang hrang sawihona neih a ni bawk. Chief Secretary hian Vawiin hian Lawngtlai-a Sawrkar hmalakna hnuaia hmunhma pawimawh hrang hrangte a tlawh leh dawn bawk a ni.
Comments
Post a Comment