Latest News

Serchhip-ah Northeast Yatra for Lifestyle (Life) nei mek

/
Image
India hmarchhak State 8-a tun thla (November) chhunga neih tura ruahman Northeast Yatra for Lifestyle (Life) chu kar hmasa lamah Mizoram tana a hawnna hun hman a nih hnuin Serchhip District-ah pawh kalpui mek a ni a. He Yatra neih chhung hian mipuite hnenah tam zawk leh zau zawkin ‘environment’ humhalh leh venhim pawi-mawh zia zirtirna pek tura ruahman niin tunah hian In tin-a lut lawrin hemi chungchang inzirtirna neih a nih bakah thuziak te sem a ni a. Vawiin hian North Vanlaiphai-ah Mass Rally neiin hman khat daih Plastic thenfai hnatlang neih nghal a ni anga, naktuk-ah Govt. Serchhip College-ah hemi chungchang inzirtirna hi neih leh a ni ang.
Post a Comment

COVID-19 hri kai enkawllai mi 18 la awm

/

Nimin tlai thleng khan Mizoram-ah COVID-19 hri kai enkawllai mi 18 an la awm.

Nimin khan Mizoram-ah Sample 40 enfiah atanga COVID-19 hri kai hmuhchhuah thar mi pakhat chhinchhiah belh a awm a, nimin vek khan hri kai mi 5 te chu anmahni enkawlna hmun atanga chhuahtir an ni ve leh bawk a ni. Heti hian nimin tlai thleng khan Mizo-ram-ah Sample 19,90,791 enfiah ni tawhin heng atang hian COVID-19 hri kai mi 2,38,940 hmuhchhuah an ni tawh a, hri kai hmuh zingah mi 2,38,196 te chu enkawl dam ni tawhin hri kai hmuh atang chhutin za zela 99.69 te enkawl dam an ni tawh a, hri kai enkawllai mi 18 la awmin hri kai zingah mi 726 an boral tawh a ni.

Mizoram-a COVID-19 hri kai enkawllai mi 18 zinga 14 te hi Aizawl District-a enkawl niin midang 4 te hi Lunglei District a mi te an ni a, District 11 zinga District pahnih-ah hri kai enkawllai hi an la awm a ni.

Comments

Post a Comment

Popular News (Last 30 Days)