Aizawl Sahuan-ah ramsa tawlhruk 625 dah tawh

Environment, Forest & Climate Change Department, Champhai District chuan kumin ah dan lova ramdang atanga nungcha phurhluh an man 625 chu Aizawl Zoological Park-ah an dahlut tawh.

Champhai District Wildlife Crime Control Sub-Unit report hnuhnung berin a tarlan danin kumin ah ramdang atanga dan lova nungcha phurh hi tum 5 man a ni a, ramsa hi chi hrang hrang 21 niin a vaiin 625 a ni a. Hemi kaihhnawihah hian mi 5-te lakah thubuai ziahluh a ni bawk.

Tun thla tira dan lova ramri kaltlanga nungcha tawlhruk chungchang ngaihtuaha Inter Agency Coordination thutkhawm neihah Joint Director, WCCB (DIG Police) Dr. Manoj Kumar chuan tunhnai kum hnih khat chhungin India hmarchhak State-te leh leh West Bengal hmar lamah te dan lova nungcha tawlh ruk a tam zual thu a sawi a, Champhai kaltlanga tawlh a tam thu leh sawrkar laipuiin a ngaimawh thu alo sawi tawh a ni.

Comments

Popular posts from this blog