Agricultural Census nei dawn

Khawzawl District chhunga 11th Agriculture Census neih tur atan nimin khan Khawzawl DC Conference Hall-ah Economics and Statistics Department buatsaihin Field Work Phase-1 hawnna leh Field Functioneries-te tana training neih a ni a, he Census hi thawh thum-a neih tur niin Covid-19 vangin hun engemawchen a khaihlak hnuah neih tan tum a ni. Nimin-a he hun buatsaih hmanpuitu Khawzawl District Bawrhsap C.C. Lalchhuangkima chuan Agricultural Census chu ram hmasawnna atan thil pawimawh a nih thu leh loneitute hmasawnna atana thil tangkai tak a nih tur thu sawiin, Agricultural Census chu kum 5 dan-a neih thin a nih thu leh Census report hi sawrkar chuan rua-hmanna siam leh hmasawnna kalpui nan a hman tangkai thin avangin leh thil diklo siamthat leh a harsat avangin fimkhur turin a fuih bawk.