Library building hawng

Nimin khan Art & Culture Department Director R. Hmingthanzuala chuan Tlangnuam Vengthar YMA Library sak thar chu a hawng a, “Lehkhabu tha ngaihhlutna hian khawtlang a ti zahawm a, a ti fing thin, mitinin lehkhabu tha chhiar tur an hmuh theihna tura Public Library kan neih belh zel hi ram hmasawnna in a ken a ni,” a ti. Tlangnuam Vengthar Branch YMA Library hi Raja Ram Mohan Roy Library Foundation Building Grant cheng nuai 6 an dawn atanga sak a ni a, kum 2019 khan sak tan niin Covid-19 hri leng avangin hun engemaw chen a sak hna hi a khaihlak a ni.