Thenzawl khawtlang tana hmalak dan tur sawiho

/

Thenzawl khawtlang hmasawnna tur hrang hrangte chu niminpiah khan Thenzawl SDO (Civil) V. Lalmuanpuii hovin khawtlang hruaitu ten an sawiho.
 Thenzawl SDO (Civil) Conference Hall-ah he sawihona hunah hian SDO (C) thar V. Lalmuanpuii chuan khawtlang inrelbawlnaah VC, NGO leh Media te nen thawhhona tha tak neih a duh thu sawiin, thawhhopui ah a sawm a. He hunaa tel te hian khawtlangin kawng hrang hranga a mamawh leh hmasawnna tur leh hmalakna tura pawimawh nia an hriat te sawiin, SDO (Civil) chuan theihtawp chhuaha a theihna chinah hmalak a tum thu leh chumi kawnga khawtlang nen thawhhona tha neih chu a duh ber anih thu a sawi a ni.


He hunah hian Thenzawl Auditorium hawn loha la awm reng chungchang te, khaw thang zelah lirthei chetphung mumal zawka a kal theih dan tur te, ran khuahkhirh dan tur leh hunpui lo thleng tura Dan leh thupek kenkawh dan tur bakah ruihhlo hluar mek dona kawnga hmalak dan turte sawiho a ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »