Pathian chawimawina nei

UPC (NEI) Serchhip Chanmari Kohhran chuan tunkar Thawhtanni atanga nimin thleng khan ruai siamin Pathian chawimawina hun an hmang.
UPC (NEI) Serchhip Chanmari Kohhran te hian Thuthlung Chhantu Team te ruaiin tun thla ni 8 khan Naupang pual Lang Camp neiin an Kohhran-ah hun an hmang tan a, tun thla ni 13 atanga 15 thleng khan Rawngbawltu Camp nei lehin October 19 atang khan Kohhran mipui tan Camping an buatsaih leh a, hetah hian Campers 48 awmin mi 18 ten Baptisma an chan bakah Thlarau Thianghlim Baptisma chang mi 15 an awm bawk a ni.

Hetianga rawngbawlna an neih hnuah hian Kohhran Committee in tunkar Thawhtanni khan Pathian chawimawina hun an siam a, hemi hnu hian mimal ten Kohhran-ah Chawimawina thilpek hlanin nimin thleng khan Pathian chawi-mawina hun hmangin ruai nen hun an la hmang a, naktuk (Inrinni)-ah pawh hian chawimawina hun hi hmang tura ruahmanna a awm tawh thu Kohhran hruaitute chuan an sawi bawk a ni.