Latest News

Serchhip District Boxing Championship zawhfel a ni

Serchhip Boxing Hall-a khelh zawh tak ‘CK HYUNDAI Serchhip District Open Boxing Championship, 2022’ ah Serchhip chuan Medal la hnem berin an champion.
Ni 2 chhung awh ‘CK HYUNDAI Serchhip District Open Boxing Championship, 2022’ ah hian khaw 9 atanga Boxer tel te zingah Serchhip hian Gold Medal 8, Silver Medal 10 leh Bronze Medal 7, a vaiin Medal 25 lain Medal la hnem ber an ni a, Chhingchhip in Gold Medal 4 bakah Silver Medal leh Bronze Medal 6 ve ve, a vaiin Medal 16 lain an dawt a, North Vanlaiphai in Gold Medal 5 leh Silver Medal 3, Medal 8 lain pathumna an ni bawk.

Heng bakah hian East Lungdar in Gold Medal 5 leh Silver  Medal 2; Thenzawl in Gold Medal 1, Silver Medal 3 leh Bronze Medal 4; Chhiahtlang in Gold Medal, Silver Medal leh Bronze Medal pakhat theuh; Thentlang in Gold Medal pakhat leh Sialhau in Silver Medal pakhat an la bawk a. Best Boxer atan Freddy Lalchhanchhuaha (Serchhip) chu thlan niin Best Promising Boxer-ah Jerry Lalhmingsanga (Chhingchhip) chu thlan a nih bakah Best Looser-ah Lalramthara (Serchhip) chu thlan a ni bawk.

Comments

Popular News (Last 30 Days)