ZPM Leader Lalduhoma’n Serchhip District-a Hrangturzo Bial khaw thenkhat a fang mek

ZPM Leader Lalduhoma chuan Serchhip District-a Hrangturzo bial fangin kan ram hmelma lian ber chu eirukna a nih thu a sawi a, “Heng eiruk hmangte hi i hnawl i ngam tawh ang u,” a ti.
Lalduhoma hian nizan hmasa khan Biate-ah leh nimin zing khan East Lungdar-a Vantlang Inkhawm neih ah thu sawiin ZPM chu Party naupang te an nih thu leh a tir atanga dotu an ngah thu a sawi a, “President-ah an buai ang, Chief Minister-ah an buai ang an ti thin a, kan buai lo a ni. Tunah hian mi tam takin ZPM hi kan ram beiseina awmchhun a ni tih hriain he party-ah hian an lo lut zel a ni,” a ti a. “Party hian ral lam kan pan tawh chuan engmah khelh chhuah tur a awm tawh thin lova, tunah hian Congress unaute tan hun a liam mek a ni. He party hi party hlun leh ropui tak mai an ni a, an thiamna te, an ngaihtuahna leh he ram tana an lo sen tawhna te he ZPM party kaltlang hian ti hlawhtling tur leh thawpui atan kan sawm a ni,” a ti.

ZPM Leader chuan mihring lamah chuan sawrkarna siam tûrin theih ang anga an inbuatsaih thu pawh sawiin, “Kan mithiam rualte nen ni za (100) chhunga kan tih tur te, kum khat chhunga kan tih tur te, kum hnih chhunga kan tih tur te kan duang lawk vek tawh a, mihring lama inbuatsaihnaah chuan kan inpeih tawh a ni,” a ti a. “Hmasawn tak tak tur chuan kawngpui tha kan neih a ngai a, contract hna inpek dan chungchangah pawh EPC system kan hmang dawn a ni. Contractor ten hna an thawhin zawh hun tur bituk a awm thin a, tunah hi chuan hnathawh reng reng a hunah zawh a awm thei lo va, Estimate Revised a awm reng a, heng te hi kan sawrkar a nih chuan dan ang thlapin contractor te hna kan in pein kan thawk dawn a ni,” a ti.

Central sawrkar atangin Scheme tam tak a awm thu leh heng te hi hmasawnna ruhrel dinna atana thil tangkai tak tak an ni tih pawh ZPM Leader chuan sawiin, “Amaherawhchu hengte pawh hi a hmanna tura hman a nih thin loh avang hian ram in a tuar nasa em em a ni. Ram leh hnam din chhuah nan chuan sawrkar dik leh sawrkar tha kan mamawh a. Kan ram hmelma lian ber chu eirukna a ni. Heng eiruk hmangte hi i hnawl i ngam tawh ang u. Hetiang lama Kohhran an thangharh hi kan lawm hle a ni,” a ti bawk. 

Comments

Popular posts from this blog