Serchhip District Boxing Championship khelh tan a ni

/

Ni hnih chhung awh tur Serchhip District Boxing Championship-2022 chu nimin khan Serchhip Boxing Hall-ah khelh tan a ni.
 He Boxing Championship hi bialtu MLA Lalduhoma chuan hawngin tunhnaiah Competition hrang hrangah Serchhip Boxer ten hlawhtlinna duhawm tak tak an chang chho mawlh mawlh chu lawm-awm a tih thu sawiin, inelna sang zawk leh Boxer tha zawka in chher chho tur Mizoram atanga thlanchhuah zingah Serchhip District Boxer te engemaw zat thlan anni chu lawmawm a tih thu a sawi a, “Boxing-ah Serchhip District in Mizoram-ah ro a rel mek a ni,” tiin MLA Funds pawh Sport Disiplince hrang hrang in a chan tam ber thu te a sawi a, he Championship a tel Boxers zawng zawngte chu an kal zelna turah duhsakna a hlan bawk a ni.


Nimin-a Serchhip District Boxing Championship hawnna hun hi SEDBA Vice President R. Vanlalpeka chuan kaihruaiin SEDBA President Kapliana Pachuau chuan inlawmna thu sawiin Khual zahawm MiZBA President C. Laltanpuia leh CK Hyundai-a General Manager K. Laltluangkima te pawhin thu an sawi bawk a ni.

Serchhip District Boxing Championship-2022 ah hian Serchhip District chhung khaw hrang hrang atangin Boxers 72 an tel a, heng te hi Serchhip atangin 25, Chhingchhip atangin 19, East Lungdar atangin 7, North Vanlaiphai atangin 6, Thenzawl atangin 8, Chhiah-tlang atangin 4, Khawlailung atangin mi 2 leh Thentlang atangin mi pakhat te an ni a. Heng Boxer te hian Category 3 - Junior, Sub-Junior leh Senior-ah te inelna an nei dawn a, ruahman lawk ang chuan Vawiin hian zawhfel hman tur a ni ang.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »