Serchhip Dist. Boxer 5 thlang

Tun thla ni 21 atanga Oct. 25 thleng khian 1st North Eastern Zonal Sub-Junior (Boys & Girls) Boxing Championship 2022 chu Dirang, West Kameng District (Arunachal Pradesh)-ah neih a ni dawn a, he intihsiakna a Mizoram aiawha tel tur thlanna hi nimin khan Aizawl Ramhlun Boxing Hall-ah neih niin mi 16 thlanchhuah an ni a, heng zinga mi 5 te chu Serchhip District an ni. Serchhip District atanga tel tura thlan te hi kg. 38-40 inkar ah C. Zoremmawii (East Lungdar); kg. 42 leh 44 inkar ah Julie Ngurthansangi (East Lungdar); kg. 44 leh 46 inkarah Lalngaihawmi (Serchhip); kg. 48 leh 50 inkar ah Remruatsaki (East Lungdar) leh kg. 52 leh 54 inkar ah TC. Malsawmkimi (North Vanlaiphai) te an ni a, Aizawl Ramhlun Boxing Hall-ah Camp an nei nghal dawn a ni.