Mizoram pumah lirthei 3,12,952 awm a ngaih a ni

Tun dinhmun ah Mizoram pum-a lirthei awm zat chu 3,12,952 a tling a, chung zinga lirthei nuai 2 bawr vel chu Aizawl khawpui chhung a awm a ni.

Transport Department chhinchhiah danin, tun dinhmunah Aizawl District a lirthei awm zawng zawng chu 2,17,389 a ni a, chu chu Mizoram a lirthei awm zawng zawng atangin za a 69.04 a tling a, Aizawl District-a lirthei awm zinga nuai 2 bawr vel hi Aizawl khawpui chhunga awm ni tura ngaih a ni. Aizawl District dawt-a lirthei tamna chu Lunglei District niin 27,424 awm anga chhinchhiah a ni a, Kolasib District-ah 18,125, Champhai District-ah 16,727, Serchhip District-ah 10,928 awm anga chhinchhiah ni bawkin Siaha District-ah 8,391, Lawngtlai District-ah 8,050 leh Mamit District-ah 5,918 awm anga chhinchhiah a ni bawk.

Zalen Chanchinbu in mi hrang hrang ngaihdan a zawhkual leh an ngaihdan a lakna atanga a lan danin, Aizawl a lirthei intlanchhawkin Traffic jam chungchangah awmzia a nei thui lutuk tawh lo ah an ngai a, intlanchhawk chu lirthei tipung zualtu ni ah an ngai a. Traffic Police Duty thenkhatte pawhin lirthei intlanchhawk in Traffic Jam-ah nghawng a nei tam lutuk tawh lo ni ah an ngai tih an sawi bawk. Aizawl khawpui-a sumdawnna lirthei ni lo, lirthei dang intlanchhawk hi kum 2017 atanga kalpui tan niin, remchan zawkna angin intlanchhawk dan phung tihdanglam thin a ni a, tun dinhmunah chuan Thawhtanni - Zirtawpni (sawrkar chawlh tello in) thleng intlanchhawk kalpui a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man