India ram khawpui fai inelna lawmman sem niin Serchhip khua pawhin lawmman a dawng

Swachh Bharat Mission (Urban) hnuaia Swachh Amrit Mahotsav kalpui meka inelna hrang hrang neih ah Serchhip chuan ‘Best City in Citizens Feedback in North East Zone’ lawmman a dawng a. Hemi ruala Indian Swachhata League (ISL) Youth Rally intihsiakna ah Mizoram khawpui 4 ten lawmman an an dawng bawk.

Swachh Bharat 2.0 in kum khat a tlin lawmna atan Inrinni khan New Delhi-a Talkatora Stadium Auditorium-ah India Ram Khawpui Fai Endikna, Swachh Survekshan 2022 lawmman semna neih niin he hunah hian mipui 15,000 atanga 25,000 chenna khawpui hrang hrang zingah Serchhip hian ‘Best City in Citizens Feedback in North East Zone’ lawmman hi a dawng a, he lawmman dawng tur hian New Delhi-ah District Bawrhsap Nazuk Kumar leh Urban Local Body (ULB) Official atangin UD&PA Department-a NULM Manager Lawmzuali leh Serchhip Joint VC Chairman B. Vanlalngura te an kal a, Trophy (Gandhi's Bust) leh thuziak an dawng a ni.

Serchhip-a UD&PA Department hotute chuan Serchhip in lawmman a dawn hi Faina kawnga hmalakna hrang hrang Serchhip khawpui chhunga mipuiin an ngaihdan leh an hriat dan an tarlan atanga teh a nih thu an sawi a, hemi atan hian Online hmangin mipuite chu zawhna zawh an nih thu leh thalai kum 18 leh 35 inkar bakah kum upa (senior citizens) kum 60 chunglam atang te in zawhna zawh an nih thu an sawi a ni.

Swachh Survekshan 2022 lawmman semna ah hian Mizoram atangin Lunglei chuan mipui 50,000 leh nuai khat inkar chenna khawpui zingah ‘Clean City in North East Zone’ lawmman dawng bawkin heng khawpui pahnih hian tun tumah hian lawmman an dawng a ni.

He hunah hian India ram khawpuite inelna atana kumin September 17-a buatsaih, Youth-led Inter-City Competition Indian Swachhata League (ISL) Youth Rally for Garbage Free Beaches, Hills & Tourist Places neih a lawmman pawh sem nghal niin Mizoram District 4 ten he intihsiakna ah hian lawmman an dawng a. Heng khawpui 4 te hian an category theuh ah ‘Best Team Award for Exceptional Performance’ an dawng a, lawmman dawngtute hi Aizawl District atangin Aizawl Clean Avengers; Lunglei District atangin Lunglei Legion; Saitual District atangin Saitual Green Warriors leh Champhai District atangin Champhai Nature Conservancy te an ni.

Comments

Popular posts from this blog

Tukverh-a tlasual boral