HIV/AIDS chungchang inzirtirna neih a ni

Central YMA leh Mizoram State AIDS Control Society (MSACS) te bultuma HIV/AIDS hluar zel tur dona kawnga hmalakna, 'Zoram Harh Rawh Campaign' tih thupui hmanga Mizo Hnam Lam leh Zai intihsiakna buatsaih tur buaipuitute tan nimin khan Champhai-ah IV/AIDS chungchang inzirtirna leh hmalak dan tur sawihona neih a ni a. He hun hi Champhai DC James Lalrinchhana chuan hmanpuiin Lalchhuanawma, M&E, DAPCU-in kalkhawmte zirtirna a pe a ni.

He huna tarlan a nih danin Undivided Champhai District-ah kumin January atanga September thla chhung khan a nawlpuia HIV test 3,814 atangin mi 144 te chuan HIV hrik paiin hei hi Sample enfiah atanga chhutin za zela 3.77 lai a tling a, naupai test mi 2,875 atangin 21 ten HIV hrik an pai tih hmuhchhuah ni bawkin Sample enfiah atanga chhutin za zela 0.73 te chuan HIV hrik an pai a. HIV kaina tam ber chu mipat hmeichhiatna atangin a ni a, inchiuna hriau thianghlim lo inhman tawmin a dawt a ni. ART-a inziaklut mi 2,014 awm tling tawhin, mi 1,197 ten an la mek a, OST la mek Champhai-ah 694 leh Khawzawl-ah 453 an awm bawk a ni.

Comments

Popular posts from this blog