2nd SIDBA Inter Club Tournament-ah New Serchhip Badminton Club an champion

/

New Serchhip Badminton Club buatsaih 2nd SIDBA Inter Club Tournament 2022 chu Inrinni zan khan khelh zawh niin New Serchhip Badminton Club chu an champion.

New Serchhip Badminton Hall-a khelh 2nd SIDBA Inter Club Tournament 2022-ah hian SIDBA Affiliated Club pariat- New Serchhip Badminton Club, Serchhip Badminton Club, Serchhip Kawnpui Badminton Club, P&E Veng Badminton Club, Bungtlang Badminton Club, Thenzawl Badminton Club, Sailulak Badminton Club leh North Vanlaiphai Badminton Club atangin player 173 zet telin Category hrang hrang 16-ah inelna hi neih a ni a, a pumpuiah New Serchhip Badminton Club chuan Gold medal pahnih leh Silver medal pakhat la in Tournament Overall Champion an ni a, lawmman ah Rs. 10,000/- dawngin Serchhip Kawnpui Badminton Club-in Gold Medal pahnih la in pahnihna an ni bawk a, lawmman ah Rs. 7000/- an dawng bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »