Teachers’ Day pualin MZU-ah Seminar nei

Mizoram University-a Education Department chuan nimin-a Teachers’ Day hman tak pualin Seminar an buatsaih a, he hunah hian Mizoram-a Education lo thanchhoh dan te, Science leh Mathematics zirna lo thanchhoh dante sawiho a ni. He hun hi HRD Board Vice Chairman L. Thangmawia MLA chuan hmanpuiin Science leh Mathematics chu Zirtirtu kan neih that loh rei avangin kan rual u zawk ten subject har leh Mizote thiam theih lohah an ngai thin nia sawiin, mahse chu chu hun in her zel hian rawn ti danglamin tunah chuan India ram mai ni lo, khawvel huap pawha lang tham Science leh Mathematics-ah Zofate kan awm nual tawh a ni, a ti a. Mizo zirlaite thluak hian hnamdangte ang bawkin heng Subject thiam tur hian a tlin tih sawiin, Hnamdangte zir ang tluka zir tura tumruhna leh taihmakna kan neih hi a pawimawh ber zawk a ni, a ti. He Seminar hi Prof. H. Malsawmi, Head, Department of Education, Mizoram University chuan a kaihruai a ni.

Comments

Popular News (Last 30 Days)

Serchhip DCSO sawn a ni