Mizoram-a COVID-19 kai zaa 99.56 dam tawh

/

Mizoram-ah nimin tlai thleng khan COVID-19 hri kai hmuh te atanga za zela 99.56 te chu enkawl dam an ni tawh.

Niminpiah khan Mizoram-ah Sample 122 enfiah niin heng atang hian COVID-19 hri kai mi 16 hmuh an ni a, Sample enfiah atanga za zela 13.11 te chuan hri an kai a ni. Heng hri kai hmuhchhuah te hi Rapid Antigen Test hmanga Sample enfiah 122 atanga hri kai hmuh te vek niin Lunglei leh Mamit District-ah mi 6 ve ve hmuh niin Aizawl leh Saitual District-ah hri kai mi pahnih ve ve hmuh an ni bawk.

Nimin khan Mizoram District 10 atangin COVID-19 hri kai mi 83 te anmahni enkawlna hmun atanga chhuahtir an ni ve leh bawk a, heti hian nimin tlai thleng khan Mizoram-a COVID-19 hri kai hmuh tawh zawng zawng chu 2,37,389 niin an zinga 2,36,344 te chu enkawl dam an ni tawh a, hri kai hmuhchhuah atanga za zela 99.56 te chu enkawl dam ni tawhin hri kai enkawllai mi 323 an la awm a, tunhnaiah hri kai enkawllai tlahniam hret hretin hri leng dinhmun in ziaawm lam a pan a, hri kai zingah mi 722 boral tawhin District pakhat-a hri kai enkawllai mi 50 aia tam awmna District pahnih chiah a awm tawh a ni.

Comments

Post a Comment

Popular News (Last 30 Days)

Vawiin-ah HSLC result

/
Image
Mizoram Board of School Education (MB-SE) chuan kum 2024 HSLC Exam Result chu Vawiin hian a tichhuak dawn ta a, Vawiin chhun dar 12:00 hian HSLC Exam result hi tarchhuah tur niin anmahni (MBSE) pisa, Chaltlang, Aizawl-ah leh internet kaltlangin www.mbse.edu.in leh www.mbseonline.com ah te en theih a nih dawn bakah a mamawh tan result bu a lei theih dawn a. Office hun chhungin WhatsApp leh phone call hmangin Ph. No.  9863883041 leh 9863722521 te biak theih a ni dawn bawk a ni.
Kimchang zawkin »

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »