Serchhip District ‘Family Oriented SEDP’

Serchhip District ‘Family Oriented SEDP’

- Zonuna Kawlni

Mizoram Sawrkar Flagship Programme - Socio Economic Development Programme (SEDP) hnuaia hmalakna ah chhungkaw hmasawnna hawi zawnga hmalakna, ‘Family Oriented SEDP’ chu Serchhip District-ah kalpui a ni dawn ta a. News lama kan rawn tarlan tawh angin tun tumah hian Assembly bial tinah mi 1500 zel tanpuina dawng tur hian thlan tur an ni a, Serchhip District-ah Assembly bial pathum atangin mi 1500 theuh, an vaiin mi 4500 thlan tur ni mah se Hrangturzo Assembly bial-ah mi pakhat thlan kim loh a awm avangin Serchhip District atang hian mi 4499 thlanchhuah an ni rih ta thung a. Heng mi thlanchhuah te hnenah hian September leh October thla chhungin 1st Instalment Rs. 25,000/- pek tum niin kumin December leh nakum February 15 inkar ah 2nd Instalment Rs. 25,000/- bawk pek leh tum a ni dawn a ni.

26-Serchhip AC-ah hian khua/Village 18-ah tanpuina dawng tur thlanchhuah niin Buangpui-ah 27, New Serchhip North-ah 127, New Serchhip South-ah 131, Neihloh-ah 16, Serchhip Chanmari Veng-ah 61, Serchhip Chhim Veng-ah 58, Serchhip Darnam Veng-ah 50, Serchhip Dinthar Veng-ah 74, Serchhip Field Veng-ah 52, Serchhip Hmar Veng-ah 58, Serchhip Kawnpui North-ah 59, Serchhip P&E Veng-ah 114, Serchhip Vengchung-ah 96, Thenzawl East-ah 252, Thenzawl Kanan-ah 70, Thenzawl Vengthar-ah mi 40 leh Thenzawl West-ah mi 158, an vaiin mi 1500 an ni.

27-Tuikum AC-ah khaw 22-ah tanpuina dawng tur thlan niin Baktawng Vengpui-ah 101, Chhuanthar Tlangnuam-ah 129, Chhiahtlang North-ah 142, Chhiahtlang South-ah 126, Chhingchhip-ah 144, Hmawng-kawn-ah 12, Hmuntha-ah 47, Hualtu-ah 68, Khawbel-ah 41, Khum-tung-ah 83, Lungpho-ah 53, Mualpui Chhingchhip-ah 99, Ngentiang-ah 38, Rullam-ah 35, Sialhau-ah 31, Thentlang-ah 44, Thinglian-ah 25, Vanchengte-ah 8, Phulmawi-ah 17, Tlungvel-ah 197, Darlawng-ah 50 leh Buhkangkawn-ah 10, an vaiin mi 1500 thlan an ni.

28-Hrangturzo AC-ah khaw 17 atangin tanpuina dawng tur hi thlan an ni a, Bawktlang-ah 21, Chekawn-ah 15, East Lungdar-ah 210, Khawlailung-ah 166, Leng-ah 55, Lungchhuan-ah 43, Lungkawlh-ah 50, Mualcheng-ah 87, Piler-ah 28, Sailulak-ah 60, Sialsir-ah 16, North Vanlaiphai-ah 271, Biate-ah 150, Bungtlang-ah 137, Keitum-ah 126, Hriangtlang-ah 35 leh Hmunzawl-ah mi 29, an vaiin mi 1499 thlanchhuah an ni bawk a, pakhat la awl hi Chekawn khua atanga hnawhkhah leh tura ruahman a ni.

Serchhip District chhunga lang thenkhat te hi District dang ah bet tawh mah se Assembly bial ramri anga kalpui a nih avangin kan District-ah an la bet a, kan District-a khaw thenkhat pawh District dangah an bet a ni.

‘Family Oriented SEDP’ hi Department 9 hnuaiah Trade thlan theih niin Trade thlan theih hi a zau viau a, Department-a Trade thlan dan tlangpui leh tun tuma Department ten Serchhip District-a Beneficiary an neih dan chu hetiang hi a ni.

AH&Vety Department : Anni hi Line Department hrang hrang zingah tun tuma Beneficiary ngah ber an ni a, an Department hnuaiah hian Trade thlan theih panga (5) awmin mi 1746 ten an thlang a, Vawk vulh thlangtu mi 1012 awmin Ar vulh thlangtu 580, Sial vulh thlangtu 59, Bawng vulh thlangtu 55 leh Sial vulh thlangtu mi 40 an awm a ni.

Commerce & Industry : Anni hi SEDP kalpui tur Department hrang hrang zinga Trade thlan tur ngah ber niin Trade 23 bakah Trade thenkhat chu thensawm leh ala ni bawk a, an hnuaiah hian Beneficiary 937 zet an awm. He Department hnuaiah hian Mistiri lam Trade thlangtu tam berin mi 239 zet an awm a, sumdawn leh dawr siam thlang mi 207 awmin Puantah thlang mi 150 an awm bawk a, Puanthui thlangtu mi 82 awmin Computer hmanga hnathawh kaihnawih thlang mi 28, Lumehna dawr siam thlang mi 23, 2Wheelers Workshop thlang 21, Electronic Repairing thlang 19, Aluminium Worshop, Automobiles Workshop, Baking leh Bakery leh Thingpui dawr siam thlang mi 18 theuh an awm. Steel Fabrication thlang pawh mi 17 awmin Pheikhawk siam thlang mi 14, Motor ke siam thlang mi 13, Thirden thlang mi 12, Khuai khawi thlang mi 11, Buhher khawl leh khawl dang thlang mi 8, Beauty and Welness kaihhnawih thlang mi 7, Artificial Flower lama sumdawn thlang mi 5, Bamboo Works leh Micro Enterprise dang thlang mi 3 ve ve leh Furniture Workshop, Chow siam leh Lasi/Dhoi siam thlang mi pakhat theuh an awm bawk a ni.

Agriculture Department : An Department hnuaiah hian SEDP Trade thlan theih 5 tarlan bakah Trade dang thlang nen Beneficiary 896 an nei dawn a, Vaimim chin thlangtu 377, WRC-I thlangtu 349, Fu huan siam thlangtu 118, WRC-II thlangtu 26, Bekang chin thlangtu 22 leh Huan siam thlangtu mi 4 an awm bawk a ni.

Horticulture Department : Horticulture Department hnuaiah hian Trade 7 tarlan ni mah se Trade thenkhat hi thensawm leh a nih avangin Trade 25 vel zet thlan theih a awm a, beneficiary 697 neiin Trade chi hrang 22 zet thlan a ni bawk. Serthlum huan siam thlang tam berin mi 214 in an thlang a, Balhla chin thlang mi 162 an awm bawk a, Nimbu chin thlang mi 72, Lakhuihthei thlang 43, Khanghu-ah 38, Tomato chin-ah 35, Dragon Fruit-ah 28, Sunhlu leh Zikhlum-ah 19 ve ve, Mau chin thlang mi 18, Panhnah chin thlang 12, Bawkbawn chin leh Thingpui chin thlang mi 9 ve ve, Thingthupui chin thlang mi 5, Sapthei chin thlang mi 4, Iskut, Raw hmun siam leh Telhawng chin thlang mi pahnih theuh leh Alu chin, Pangpar huan siam leh Zawngtah chin thlang mi pakhat theuh bakah thildang (Hruizik) chin thlang mi pakhat an awm bawk a ni.

Fisheries Department : He Department hnuaiah hian SEDP Trade pakhat, Sangha khawi chiah a awm chungin Trade thlangtu mi 111 lai an awm a, Assembly bial hrang hranga Trade thlangtu tam dan khaikhinin Trade thlangtu inkhairualna ber a nih a rinawm.

UD&PA Department : UD&PA Department hnuaiah hian Trade thlan theih pali (4) awmin tun tumah hiaan beneficiary 50 an nei dawn a, anni Department hi khawpui-a cheng te an nih avangin Trade thlangtu pawh hi an tlem deuh niin a lang. An Department hnuaiah hian Kawng sir-a dawr siam (Street Vending) thlangtu tam berin mi 39 leh Hawkers thlang mi 6 awmin Khawlai tihfai thlang mi 2 bakah Leitha siam (Home Composting) leh Hluihlawn thil atang thil tangkai siamchhuah (Waste to Wealth) thlang mi pakhat ve ve an awm bawk a ni.

Land Resource, Soil & Water Conservation Department : LS, S&WC Department hnuaiah hian Trade thlan theih pali (4) awmin beneficiary 42 an nei dawn a, Hmunphiah chin thlangtu tam berin 22, Kuhva chin thlang 14 leh Rubber chin thlang 6 awmin Coffee chin thlang an awm lo thung.

Sericulture Department : He Department hnuaiah Trade hrang pathum (3) tarlan ni mah se Pangang khawi vek a ni a, Beneficiary 20 neiin Eri, Muga leh Mulberry-ah thenhran an ni.

Tourism Department : He Department hnuaiah hian Trade thlan theih pakhat, Tourism-Tourist Guide/Tour Operator chu awm mah se Serchhip District chhung atangin thlang an awm rih lo a ni.

Comments

Popular News (Last 30 Days)

Serchhip DCSO sawn a ni