Ruihhlo man sa tichhia

/

Serchhip District Police ten ruihhlo an man sa Heroin No. 4 zinga gram 566.44 te chu tunkar Thawhtanni khan Serchhip District Drugs Disposal Committee chuan an halral.

Mizoram Police hnuaia Serchhip District Drugs Disposal Committee in tun tuma Ruihhlo an halral te hi kumin May 12 leh August 8 inkar chhunga an man te niin FSI Report dawn tawh leh Court pawhin tihral a phal tawh chin te niin heng te hi enfiah a nih hnuah halral a ni a, a vaiin Heroin No. 4 gram 566.44 a ni a, heng ruihhlo kaihhnawih ah hian mi 10 man niin thubuai 6 ziahluh a ni.

Mizoram Police hnuaiah hian Drugs Disposal Committee chi hnih (2) an awm a, a sang zawk chu DGP Chairman na niin High Level Drugs Disposal Committee tih a ni a. Ruihhlo tihral tur tam tham chin deuh chu anni hian an tiral thin a. A dang zawng chu SP Chairman na hnuaia District Drugs Disposal Committee ten an buaipui ve thung. Serchhip District Drugs Disposal Committee te hian kumin chhung in vawi thum (3) Drugs tihral an nei tawh a. Kumin June 26 khan International Day Against Drugs Abuse & Illicit Traffic denchhenin Drugs engemaw zat an lo tiral tawh bawk a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »