Serchhip District Jail Inspection Team te chuan nimin khan Serchhip District Jail tlawhin kum tlinglo tang an awm leh awm loh an enfiah.
Integrated Child Protection Scheme (ICPS) hnuaia din leh Principal Magistrate kaihhruai District Jail Inspection Team te hian nimin khan Serchhip District hi tlawhin he Jail-a tang mek zinga kum 18 leh 19 nia insawi mi 5 te chu an kochhuak a, an pian ni leh thla bakah thubuai an neih te zawtfiahin he Jail-ah hian kum tling lo tang an awm lo tih finfiah a ni.
Nimin-a District Jail an tlawh lai hian tang mi 50 an awm mek a, an zinga 9 chu hmeichhia niin, nu in an tanpui naupang 2 an awm bawk a. Jail tang tam ber chu ruihhlo a inhnamhnawih leh ruihhlo mamawh vanga thil ru an ni a. Heng Jail tang te hi an thubuai leh hriselna chungchang pawh ngun taka zawhfiah an ni bawk.
Comments
Post a Comment