Nu leh pa leh zirtirtute thu awih turin DIPRO in chah

Serchhip District Information & Public Relations Officer K. Saitluanga chuan zirlai naupang te tan nu leh pa leh an zirtirtute thu awih chu an hmalam hun atana thil pawimawh ber a ni, a ti.
New Serchhip-a awm All Saints School ten Annual Sports hawnna nimin-a Serchhip Sports Complex-a an neih a hmanpuina ah he thu hi sawiin Serchhip DIPRO K. Saitluanga chuan nu leh pa leh zirtirtute thuawih chu Pathian thu a ni tih sawiin, hei hi zirlai naupangte hma hun atan pawh thil pawimawh ber a ni tih a sawi a, Zirtirtute pawhin kawng dik-a naupangte kaihruai tura thunun inthlahrung lutuk lo tura a duh thu a sawi.


Serchhip khawpui chhung hmarlam ah zirna In a tam loh avangin All Saints School chu Serchhip khawpui chhung, a bik takin khawpui chhung hmarlam te tan malsawmna nia a hriat thu pawh Serchhip DIPRO chuan sawiin, School tha lehzual ni tur leh malsawmna ni zel tura tan la turin he School-a Zirtirtute pawh a chah a, infiamna chu eizawnna kawng pakhat a ni tih hriaa theihtawp chhuah tura chahin, chumi atan chuan Annual Sports pawh tluang taka nei turin duhsakna a hlan bawk a ni.

All Saints School Annual Sports hawnna ah hian School Principal Rev. Father Praveen Farnandes chuan Annual Sports an buatsaih chhan te sawiin an School Headmistress Sister Shanti Lobo pawhin thu a sawi a, Zirlai naupang ten an thiamthil chi hrang hrang entirin hun an hmang bawk a ni.


All Saints School-ah hian KG-I atanga pawl 8 thleng zirna awmin tunah hian zirlai nau-pang 300 dawn an awm mek a, Principal hovin thawktu mi 14 awmin nimin atanga naktuk, Sept. 21 thleng hian Annual Sports hi an nei dawn a, Zirlai naupangte hi House 4-ah inthenin Sports discipline hrang hrangah intihsiakna an nei dawn a, Vawiin hian DC Playground, Khawtetlang-ah Sports hi chhunzawm a n dawn a ni.

Comments

Popular posts from this blog

Volleyball S/F khel dawn