MRB Serchhip Branch in anmahni dawrtute tan Financial & Digital Literacy Camp an buatsaih
NABARD hnuaia Financial Inclusion Fund (FIF) atanga he hun buatsaih hi MRB Serchhip Branch Manager Lalrindika Fanai chuan kaihruaiin an Bank in kum 40 an tlin lawmna kal mekah tun September thla chhung hian Programme hrang hrang buatsaihin heng zingah hian an Customer te nen an hnathawh dan thlirletna leh sawihona hun neih tura ruahman a nih angin he hun hi buatsaih a ni tih a sawi a. MRB Serchhip Branch-a Asst. Manager C. Lalrammawia leh V. Zodinthari te chuan Mizoram Rural Bank kalphung leh an hnathawh dan hrang hrangte an tarlang bawk a, he hunah hian Serchhip-a MRB dawr thin mi 20 te tel tura sawm niin heng mite hian Bank kalphung leh an hnathawh dana an hriatthiam loh te zawhfiahna inhrilhfiah a ni bawk a, hemi hmalam hian Serchhip khawpui chhunga Pensioners te nen hun an lo hmang tawh bawk a ni.
Mizoram Rural Bank (MRB) hi September 27, 1983 khan RRB Act 1976 hmanga din a ni a, India ramah chuan Regional Rural Bank (RRB) tiin hriat niin State tinah hming koh dan a dang a, hetiang Bank hi a tirah chuan ramchhungah 196 lai awmin, State khata District lian deuh ah chuan 2/3 te pawh a awm thin, Prime Minister hlui Manmohan Singh-a Finance Minister a nih lai atang khan RRB hi thingtlang mipuite dawmkan nan, Commercial Bank te’n an thlen phak lohnaa a tangkaina te hrechiangin a thuam chak a, a awmsa te an sawi khawm zel bawk a, tunah chuan RRB India ram State 26-ah 43 a awm mek a, hmarchhak State tinah la awmin MRB hi Core Banking Solution platform-ah 2011 atang khan a awm fel tawh a ni.
SBI leh Bank dangte angin sum thawn leh dawn thuah engkim a ti thei a, PM Social Security Scheme APY, PMJJBY, PMSBY tih hlawhtlinna kawng ah a titha filawr tih he hunah hian tarlan niin, chhungkaw 441 chuangin an chhungte boralta Insurance cheng nuai hnih claim tawhin a vaiin cheng vbc. 8.82 chu 2019-2021 chhung khan MRB kaltlangin an dawng tawh a, tunah hian mi 150 chuang tan dil leh mek a ni bawk.
Mizoram Rural Bank hi Mizoram-a Bank Branch Network nei ngah ber niin Branch 100 a nei mek a, neitu 3 neiin Central sawrkar, Sponsor Bank leh State sawrkar te an ni a, MRB hi SBI sponsored niin RBI Act 1934 (21 of 1934) hmangin Scheduled Bank a ni bawk.
Comments
Post a Comment