Hri kai leh dam 1 ve ve awm

Nimin khan Serchhip District-ah COVID-19 hri kai hmuhchhuah thar leh enkawl dam mi pakhat ve ve an awm belh leh a, nimin-a hri kai hmuhchhuah thar hi East Lungdar khua niin nimin a chhuahtir hi Serchhip P&E Veng mi a ni thung. Heti hian nimin tlai thleng khan Serchhip District atanga COVID-19 hri kai hmuh tawh chu 14,511 niin an zinga 14,461 te chu enkawl dam ni tawhin hri kai hmuhchhuah atanga chhutin za zela 99.65 te enkawl dam an ni tawh a, hri kai enkawllai mi 12 la awmin hri kai zingah mi 36 an boral tawh bawk a ni. Serchhip District-ah Thenzawl chu hri kai enkawllai tamna ber la ni mekin mi 3 enkawl an la ni a, Serchhip, Zote South, North Vanlaiphai leh East Lungdar-ah mi pahnih theuh enkawl la niin Khawlailung-ah mi pakhat enkawl a la ni bawk.