MNF leh INC te thawkdun

Village Council Seat khat ruak a awm vanga by-election neihna Baktawng VC-ah chuan Seat 2 ve ve nei MNF leh INC te chuan VC Executive Body siamin an thawkdun ta.
Baktawng atanga thu kan dawn danin Baktawng VC Executive Body thar ah hian MNF atanga thlantlin leh VCP nilai Lalrintluanga chu VCP a ni zui dawn a, Congress atanga thlantlin FX. Lalthianghlima chu Vice President niin Treasurer-ah MNF atanga thlantlin PC. Lalbiakliana a ni dawn a, Secretary nilai pawh thlakin Zohmingsanga chu Secretary atan dah a ni a, hei hi LAD lamah pawh pawmpui tura thehluh a ni tawh bawk a ni.

Tarlan tawh angin VC inthlan hnuhnung berah khan Baktawng VC-ah hian Seat 5-ah MNF in seat 3 leh Congress in seat 2 an la a, MNF hian Party mal in sawrkar siam mah se an Seat lak zinga pakhat, Hmeichhe tana Seat hauh luahtu chuan hna dang a thawh avangin a Seat luah hi a kalsan a, hei vang hian tun thla ni 6-ah by-election neih niin ZPM chuan he Seat ruak hi an la a, tunah hian MNF leh INC ten Seat 2 ve ve neiin ZPM in Seat khat an nei a, Seat 2 nei Party pahnih te hian VC Executive Body an siam ta a ni.

Comments

Popular posts from this blog

Volleyball S/F khel dawn