Hospital hmun tur sawiho

Serchhip District Hospital Building thar sak tur atana ngaihdan inanglo awm chungchang chu nimin khan Serchhip-ah District Bawrhsap Nazuk Kumar IAS hovin sawiho a ni.
He sawihona ah hian Bûkpui lama sak rawttu Serchhip NGO Coordination Committee leh a hmun ngaia sak duhtu Joint Action Committee aiawh mi 4 ve ve an tel a, Bawrhsap chuan pawl pahnih te duhna leh thahnemngaihna a hriatthiampui thu a sawi a. Chutih laiin damdawi In thar kan neih theih nan a khawi emaw zawk zawk thlan fel a, hna thawh tan a tûl thu sawiin, hei vang hian sawrkarin tha a tihna lam zawk zawka a sak theih nana zalenna pêk remtihna thu an ziah ve ve theih leh theih loh a zawt a ni.

He hunah hian JAC aiawhte chuan an hruaitu pawimawh thenkhat zinchhuak an awm avanga inrawnkhawm leh deuh an duh thu an sawi avangin karleh Nilaini, September 21, 2022-a thutkhawm neih leh turin ruahmanna an siam a ni.

Comments

Popular posts from this blog

Volleyball S/F khel dawn