Mizoram-ah hri kai enkawllai tlem hret hret zel

/

Mizoram-ah niminpiah khan COVID-19 hri kai hmuhchhuah tlem leh hretin hri kai mi 21 hmuhchhuah an ni a, nimin khan mi 35 te chu anmahni enkawlna atanga chhuahtir an ni thung.

Mizoram-ah niminpiah khan Sample 286 enfiah leh niin heng atang hian COVID-19 hri kai mi 21 te hi hmuh niin Sample enfiah atanga chhutin zaa 7.34 te chuan hri an kai a, heng Sample enfiah te hi Rapid Antigen Test hmanga enfiah vek niin hri kai hmuhchhuah te hi Aizawl leh Saitual District-ah mi 6 ve ve, Khawzawl District-ah mi 3, Lunglei leh Mamit District-ah mi pahnih ve ve leh Kolasib leh Lawngtlai District-ah mi pakhat ve ve te an ni.

Nimin khan Mizoram District 6 atangin COVID-19 hri kai mi 35 chu anmahni enkawlna atanga chhuahtir an ni a, heti hian nimin tlai thleng khan Mizoram-a COVID-19 hri kai hmuh tawh chu 2,38,189 niin an zinga 2,37,294 te enkawl dam an ni tawh a, hri kai zingah za zela 99.63 te enkawl dam ni tawhin hri kai enkawllai mi 172 la awmin hri kai zingah mi 723 an boral tawh a, hri kai enkawllai tamna ber District Aizawl-ah mi 67 enkawlin Saitual District-ah 29 enkawl an ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »