Latest News

Mizoram-ah COVID-19 kai enkawllai 238 la awm

Niminpiah khan Mizoram-ah COVID-19 hri kai hmuh tlem leh hretin nimin tlai thlengin hri kai enkawllai pawh 238 an la awm.

Niminpiah khan Mizoram-ah Sample 387 enfiah niin heng atang hian COVID-19 hri kai mi 36 hmuh an ni a, Sample enfiah atanga chhutin za zela 9.30 te chuan hri an kai a, heng hri kai hmuhchhuah te hi Rapid Antigen Test hmanga Sample enfiah atanga hmuh vek niin Sample enfiah dang a awm lo a ni. Niminpiah a hri kai hmuh belh zinga 18 te hi Aizawl District-a hmuh te niin Saitual District-ah 6, Lunglei, Serchhip leh Khawzawl District-ah mi 3 theuh leh Mamit District-ah mi pahnih bakah Kolasib District-ah mi pakhat te an ni.

Nimin khan Mizoram District 9 atangin COVID-19 hri kai mi 54 te anmahni enkawlna atanga chhuahtir an ni a, heti hian nimin tlai thleng khan Mizoram-a COVID-19 hri kai hmuhchhuah tawh chu 2,37,882 niin an zinga 2,36,922 chu enkawl dam an ni tawh a, hri kai zinga za zela 99.60 te enkawl dam ni tawhin hri kai enkawllai 238 an la awm a, hri kai zingah mi 722 an boral tawh bawk a ni.

Comments

Popular News (Last 30 Days)