Mamit District-ah SEDP hawnna neih a ni

Mizoram Sawrkar Flagship Programme, Socio-Economic Development Policy (SEDP) Mamit District hawnna chu nimin khan Mamit Chhim Veng YMA Hall-ah neih a ni a, Dy. Govt. Chief Whip leh Dampa bialtu MLA Lalrintluanga Sailo chuan khuallian nia hmanpuiin Mizoram Sawrkar Flagship Programme SEDP chu Mizoram chawikanna turin ruahmanna felfai taka kalpui a nih thu a sawi. Mamit District-ah hian Assembly bial 3 awmin SEDP Beneficiaries 4500 an awm a, AH& Vety Department-ah 1119, Agriculture Department-ah 807, Horticulture Department-ah 220, Commerce & Industries-ah 445, UD&PA-ah 51, Land Resources S&WC-ah 1653, Sericulture Department-ah 37 leh Fisheries Department-ah 168 an ni.