Hri kai hmuh 14,571 tling tawh

Zonuna Kawlni /

Serchhip District-ah nimin thleng khan COVID-19 hri kai 14,571 hmuh an ni tawh.

Nimin khan Serchhip District-ah COVID-19 hri kai mi 9 hmuh belh leh an ni a, heng hri kai hmuh te hi Khawlailung khua vek niin tunhnaiah Khawlailung khua atang hian hri kai hmuhchhuah an awm deuh reng rih a ni. Nimin khan Serchhip District-ah COVID-19 hri kai mi 6 chu anmahni enkawlna hmun atanga chhuahtir an ni leh a, heng zinga mi 3 te chu Khawlailung khua niin Serchhip Hmar Veng, Mualcheng leh Thenzawl khua atangin mi pakhat theuh chhuahtir an awm bawk a ni.

Heti hian nimin tlai thleng khan Serchhip District-a COVID-19 hri kai hmuhchhuah tawh chu 14,571 niin an zinga 14,515 te chu enkawl dam an ni tawh a, hri kai hmuh atanga za zela 99.61 te chu enkawl dam ni tawhin hri kai enkawllai mi 20 an la awm a, hri kai zingah mi 36 an boral tawh bawk a ni. Serchhip District-a hri kai en-kawllai mi 20 zinga 17 te hi Khawlailung khua niin Thenzawl-ah mi 2 leh East Lungdar-ah mi pakhat enkawllai an la awm bawk a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »